ŚLĄSKO BANA

 

Na glajzach stoi prawdziwo bana,

wielgo i cienżko, blak okapana

nie byle jako - „Halinką” zwana.

Stoi fuczy, dmucho i bucho

Basem ji szarpie itak se grucho:

 

 

 

 

Uż ledwie sapie, uż ledwie zipie

Tyn gupoł jeszcze ji wongel sypie.

Do cuga przipli pełno wagonów

Wielgich,jak choby potwora potwora ogonow.

A w tych wagonach pojęcia ni mocie,

Co tam nakładli w naturze i złocie.

Tam były krowy, konie i świnie,

Tam byli ludzie skompani w winie,

 

 

 

 

 

 

 

 

A w przedostatnim pakety i kofry,

ludzie, co jedli smażone gofry.

Tych wagoniskow było z czterdzieści

Ponboczek to wie, co się w nich zmieści.

I godom wom, że żodyn atleta,

Co nigdy nie zjod swojskiego kotleta,

Nie pyrtnyłby ani jednego wagoną

Keby go nawet wkurzyła żona.

A tyn cug richtig doł rady cienżarom,

Bo przeca, był napyndzany parom.

 

 

 

 

Nejprzod jak żółw pomału depcze

I jak kamela, co woda chłepcze,

Ciągnie jak kałgumin durch pomału

Potym prziśpieszo, nabiera cwału.

Kręci się, kręci koło za kołym

Jak mrówka, co loce wartko z mozołem

I durch prziśpieszo i durch pogonio

I dudni i stuko

 

 

 

 

Choby kapelmistrz mu dowoł znaki

Tak on zapieprzo w rytm taki a taki

Bo tak, bo tak to, bo tak to to to

Gdo godo, nie słucho, a słuch to je to

Zapieprzo tyn cug, co wagonów mo fol

A po co, a kaj to? A był uż tyn gol?

Choć gola nie było, cug wali na wprost

A jo już was żegnam, wypija se – prost!

A wy jedźcie dali, choćby pod prąd

A jo życza wszystkim: Wesołych Świąt!!!

 

 

 

 

 

 

 

 

Buch -jak mi gorko!

Uch-jaki mi gorko!

Uff- chyba mora mie dusi!

Puff- doktor obejrzeć mie musi!

 

 

 

 

 

 

 

 

W jednym wagonie były paskudy

A zaroz za nim trzi wielkie budy

Był wagon, co mioł pełno bananów

I taki co wiyz sześć fortepianów.

Nie uwierzycie -jak prawiył mój lata -

W jednym była prawdziwo armata!

W kolejnym: dwa słonie i sztyry afy,

Trzi stare bery i dwie żyrafy

 

 

 

 

 

 

 

 

 

 

Naroz  - świst

Naroz – pisk

Para – buch

Koła – w ruch

 

 

 

 

 

 

 

A kaj to? A kaj to? On jedzie na wprost

Po glajzach świyconcych gynał na tyn most.

Bez pola, zagrody, i tunel, bez las

Śpiycho se choby goniył go czas

 

<<<